Y tó que tos digo, amigos
d'aquí y d'astí y d'allá
tó, o sé de seguro,
son cosas qu'atros han dito,
qu'atros antis más
han sentiu, y que uey
sentiz con yo...
A mía voz
tremola con os aires
brilla con o sol,
se chela con os cierzos,
s'aflama con as calors...
A mía voz ye a de tú
y a d'ixa chen
que no conexemos
ni tú ni yo.
Ye a vida de nusatros,
d'os que nos fa mal
o corazón,
d'os qu'encara somos ninóns
con o peso d'as añadas
y as arrugas d'o dolor...
A mía voz
¿en tiengo encara de voz?
ye de tú, amigo,
no a deixes morir en yo.
Ánchel Conte
In memoriam
Voz en el Festival Rasmia de Zaragoza
Ánchel Conte
No hay comentarios:
Publicar un comentario